ശ്രീസീതാരാമഗീതം കമല-ലോചനൗ രാമ കാഞ്ചനാംബരൗ കവച-ഭൂഷണൗ രാമ കാർമുകാന്വിതൗ | കലുഷ-സംഹാരൗ രാമ കാമിത-പ്രദൗ രഹസി നൗമി തൗ സീതാ-രാമ-ലക്ഷ്മണൗ || 1 || മകര-കുണ്ഡലൗ രാമ മൗലി-സേവിതൗ മണി-കിരീടിനൗ രാമ മഞ്ജു-ഭാഷിണൗ | മനു-കുലോദ്ഭവൗ രാമ മാനുഷോത്തമൗ രഹസി നൗമി തൗ സീതാ-രാമ-ലക്ഷ്മണൗ || 2 || സത്യ-സമ്പന്നൗ രാമ സമര-ഭീകരൗ സർവ-രക്ഷണൗ രാമ സർവ-ഭൂഷണൗ | സത്യ-മാനസൗ രാമ സർവ-പോഷിതൗ രഹസി നൗമി തൗ സീതാ-രാമ-ലക്ഷ്മണൗ || 3 || ധൃത-ശിഖണ്ഡിനൗ രാമ ദീന-രക്ഷകൗ ധൃത-ഹിമാചലൗ രാമ ദിവ്യ-വിഗ്രഹൗ | വിവിധ-പൂജിതൗ രാമ ദീർഘ-ദോര്യുഗൗ രഹസി നൗമി തൗ സീതാ-രാമ-ലക്ഷ്മണൗ || 4 || ഭുവന-ജാനുകൗ രാമ പാദ-ചാരിണൗ പൃഥു-ശിലീമുഖൗ രാമ പാവനാംഘ്രികൗ | പരമ-സാത്വികൗ രാമ ഭക്ത-വത്സലൗ രഹസി നൗമി തൗ സീതാ-രാമ-ലക്ഷ്മണൗ || 5 || വന-വിഹാരിണൗ രാമ വൽകലാംബരൗ വന-ഫലാശിനൗ രാമ വാസവാർചിതൗ | വര-ഗുണാകരൗ രാമ ബാലി-മർദനൗ രഹസി നൗമി തൗ സീതാ-രാമ-ലക്ഷ്മണൗ || 6 || ദശരഥാത്മജൗ രാമ പശുപതി-പ്രിയൗ ശശി-നിവാസിനൗ രാമ വിശദ-മാനസൗ | ദശമുഖാന്തകൗ രാമ നിശിത-സായകൗ രഹസി നൗമി തൗ സീതാ-രാമ-ലക്ഷ്മണൗ || 7 || കമലലോചനൗ
ശ്രീമദ്ഭാഗവതം ഗദ്യവിവർത്തനം